Newcastle er nálægt því að komast að samkomulagi við Burnley um kaup á markverðinum Nick Pope. Telegraph segir frá.

Burnley féll úr ensku úrvalsdeildinni á nýafstaðinni leiktíð. Það þykir þó ansi ólíklegt að þessi hæfileikaríki markvörður taki slaginn í Championship-deildinni á næstu leiktíð.

Pope er efstur á blaði yfir þá leikmenn sem hið nýríka félag Newcastle vill krækja í þetta sumarið.

Newcastle var í vandræðum fyrri hluta síðustu leiktíðar en tóku hressilega við sér á seinni hlutanum og höfnuðu í ellefta sæti.

Jóhann Berg Guðmundsson er á mála hjá Burnley sem nú er að missa einn sinn besta mann í Pope.