Gestir Heimsmeistaramótsins í Katar gætu átt yfir höfði sér allt að sjö ára fangelsi fyrir það að stunda einnar nætur gaman á meðan mótinu stendur, vegna reglna í landinu.
Bannað er að stunda kynlíf utan hjónabands í Katar.
FIFA hefur verið harðlega gagnrýnt fyrir að leyfa Katar að halda HM 2022 vegna hinna ýmissu reglna og siða í landinu.
Til að mynda er samkynhneigð með öllu bönnuð í Katar. Þurfa samkynhneigðir knattspyrnuáhugamenn sem ætla sér á mótið að passa upp á að „sýna kynhneigð sína ekki opinberlega.“
Þá eru kvenréttindi fótum troðin, verkafólk býr oft við ólíðandi aðstæður og svo lengi mætti telja.
HM byrjar þó að rúlla í Katar þann 21. nóvember næstkomandi. Mun mótið standa allt þar til rétt fyrir jól eða 18. desember.
