„Við áttum að mínu mati mjög góðan leik á móti Finnum og við bættum ofan á hann á móti ÍSrael. Við erum að mörgu leyti ánægðir en margt sem við getum gert betur varnarlega,“ sagði Birkir Bjarnason fyrirliði Íslands á blaðamannafundi fyrir leikinn gegn Albaníu í Þjóðadeildinni á morgun.

Birkir sem er 34 ára gamall og leikhjahæsti leikmaður Íslands er í góðu standi þrátt fyrir langt ferðalag frá Ísrael.

„Mér líður bara vel, KSÍ setti upp mjög þægilega ferð til baka. Það nýttu það allir vel og eru klárir í slaginn á morgun,“ sagði Birkir.

„Andinn er bara mjög góður, við viljum og vonumst til að fá eins mikinn stuðning og hægt er. Fá fólk á völlinn, við skiljum að við höfum ekki verið að ná nógu góðum úrslitum síðustu ár. Mér finnst við hafa spilað fínan bolta í síðustu leikjum, vonandi sér fólk það.“

Hákon Arnar Haraldasson lék sinn fyrsta landsleik á fimmtudag með Birki á miðjunni. „Hann stóð sig gríðarlega vel. Gaman að sjá þegar svona ungur leikmaður kemur inn í sinn fyrsta leik. Að mínu mati var hanneinn af bestu mönnum vallarins, hann á mjög bjarta framtíð og mér hlakkar til að sjá hvernig þróunin hans verður.“