Breiðablik tók á móti Val í stórleik í 32-liða úrslitum Mjólkurbikars karla í fótbolta í kvöld.

Leikurinn byrjaði með látum þegar Omar Sowe kom Blikum yfir á 13. mínútu en Valsarar voru ekki lengi að svara fyrir sig og Birkir Heimisson jafnaði metin tveimur mínútum síðar.

Tryggvi Haraldsson skoraði nánast frá miðju þegar hann lyfti boltanum yfir Anton Ara Einarsson í marki Blika en Anton var kominn langt út úr markinu. Staðan 2-1 fyrir Val eftir tæpan 20 mínútna leik.

Viktor Örn Margeirsson jafnaði svo fyrir Blika þegar þrjár mínútur voru eftir af fyrri hálfleik eftir vel útfærða hornspyrnu.

Breiðablik gerði þrjár skiptingar í hálfleik þar sem Ísak Snær Þorvaldsson og Galdur Guðmundsson komu meðal annars inn af bekknum. Ísak skoraði þriðja mark Blika á 60. mínútu og bætti við fjórða markinu með skalla eftir hornspyrnu tólf mínútum síðar.

Hinn 16 ára gamli Galdur skorað fimmta mark Blika á 75. mínútu með góðu skoti og Mikkel Qvist, sem kom einnig inn á sem varamaður, bætti við sjötta markinu á 81. mínútu, lokatölur 6-2 fyrir Blika sem hafa unnið alla leiki sína á leiktíðinni til þessa.

Breiðablik 6 – 2 Valur
1-0 Omar Sowe (’13)
1-1 Birki Heimisson (’15)
1-2 Tryggvi Haraldsson (’17)
2-2 Viktor Örn Margeirsson (’42)
3-2 Ísak Snær Þorvaldsson (’60)
4-2 Ísak Snær Þorvaldsson (’72)
5-2 Galdur Guðmundsson (’75)
6-2 Mikkel Qvist (’81)