Rætt var um Jake Daniels í íþróttavikunni með Benna Bó sem er á dagskrá Hringbrautar alla föstudaga. Kjartan Atli Kjartansson var gestur samt Herði Snævari Jónssyni, íþróttastjóra Torgs. Daniels varð fyrsti atvinnufótboltamaðurinn sem hefur opinberað samkynhneigð sína í Bretlandi. Daniels er sautján ára gamall og spilar sem framherji fyrir Blackpool.
„Eru ekki tímarnir að breytast og mennirnir með sem betur fer. Öll tölfræði í heiminum segir okkur það að í knattspyrnu eða íþróttaheiminum er samkynhneigt fólk eins og í öllum öðrum stéttum lífsins. Þetta hefur verið skrýtið en viðbrögðin sem hann fær eru eðlileg myndi ég segja. En auðvitað er mikið hrós á hann fyrir að vera fyrstur og það kæmi lítið á óvart ef fleiri fylgdu í hans fótspor. Þetta er í dag eðlilegasti hlutur í heimi og það skipir mig engu hvað fólk er að gera í sínum frítíma. Mér kemur það ekki við,“ sagði Hörður.
Kjartan benti á að þetta væri auðveldara kvennamegin. „Fyrir karla er þetta enn eitthvað tabú,“ sagði hann en Kjartan þekkir bandarískar íþróttir og íþróttamenningu betur en flestir. „Það er til frægðarhöll samkynhneigðra íþróttamanna þar sem er verið meðal annars að hjálpa þeim sem eru enn inn í skápnum að komast þaðan út.
En eins og Höddi bentir á er tölfræðin skökk og vonandi verður þetta eðlilegt í framtíðinni,“ segir Kjartan.
Nánari umræðu má sjá hér fyrir neðan.
