Tónlistarkonan Þórunn Antonía Magnúsdóttir blæs á kjaftasögurnar sem hafa verið á sveimi um hana undanfarið. Eins og að hún hafi sofið hjá unglingi í útlöndum og sé í sambandi með pabba bestu vinkonu hennar.

Söngkonan hefur lengi verið í sviðsljósinu, enda ein ástsælasta söngkona landsins, og er því vön ýmsu umtali. En hún segir að kjaftasögurnar séu orðnar „ansi kryddaðar“ og því þörf á að koma hlutunum á hreint.

„Vá, ég hef heyrt þær margar fáránlegur kjaftasögurnar um mig sjálfa. Yfirleitt er mér drull en þær virða vera orðnar ansi kryddaðar,“ segir söngkonan og bætir við hláturstjákni (e. emoji).

„Samkvæmt nýjustu fréttum þá er ég siðblind tálmunarmóðir,“ segir hún og tekur fyrir það. Hún bendir á að barnsfaðir sonar hennar hefur verið með ríka umgengni frá fæðingu og fer til hans aðra hverja viku, frá miðvikudegi til sunnudags.

„Svo á ég líka að vera í einhvers konar sambandi með fokking pabba bestu vinkonu minnar sem á víst líka íbúðina sem ég bý í… Wtf people,“ segir hún.

„Jesús og svo margar aðrar… einhver önnur crazy ass saga um einhvern táning, sem jú reyndi svo sannarlega að sofa hjá mér í útlöndum eftir að hafa sagst vera frægur fótboltamaður og 24 ára. Allir sem þekkja mig vita að ég deita ekki fótboltamenn og svaf ekki hjá þessum dúdda þó hann virðist vera að monta sig af því út um allt.“

Söngkonan virðist ekki ætla að láta þetta á sig fá. „En bara keep on talking ef líf ykkar er það óspennandi að ég krydda upp á það.“