Coleen Rooney kom sér fyrir í vitnastúkunni í dómssalnum en í dag rann upp fjórði dagurinn í meiðyrðamáli Rebekuh Vardy gegn henni. Rooney sakar Vardy um að leka upplýsingum um einkalíf Rooney-fjölskylduna í slúðurmiðla en verjandi Vardy segir Rooney skorta sönnunargögn.
Rooney nefndi sérstaklega eitt mál sem tengdist hjónabandsvandræðum hennar og eiginmannsins Wayne Rooney, fyrrum leikmanns Manchester United og knattspyrnustjóra Derby County á sínum tíma en upplýsingum um það mál var lekið eftir að mynd af Wayne með börnum sínum birtist á Instagram-reikningi Coleenar.
Hugh Tomlinson gaf ekkert eftir er hann þjarmaði að Rooney í vitnastúkunni fyrr í dag. Hún var hins vegar ekki sammála þeirri fullyrðingu verjandans að hana skorti sönnunargögn um að Vardy hafi lekið upplýsingunum til slúðurmiðla gegn greiðslu.
,,Það er mín trú að ég geri það (búi yfir sönnunargögnum),“sagði Rooney í vitnastúkunni í dag og svaraði Tomlinson.
„Ég tel að lekinn hafi komið frá Instagram-reikningnum og ég tel að Vardy hafi vitað að þetta var að gerast – hvort sem það var Vardy sjálf eða einhver tengdur henni sem hefur lekið þessu.
Tomlinson benti Rooney þá á að trú hennar jafngildi ekki sönnunargögnum og tók sem dæmi aðstæður nátengdar eiginmanni hennar:
,,Þú gætir trúað að Derby County geti unnið ensku úrvalsdeildina innan tveggja ára en það þýðir ekki að það muni gerast,“ sagði Tomlinson en Wayne Rooney, eiginmaður Coleenar er knattspyrnustjóri Derby County sem er nýfallið niður í ensku C-deildina.
