Manchester City gekk í gær frá kaupum á Erling Haaland. Haaland hefur á tveimur og hálfu ári orðið einn besti knattspyrnumaður í heimi en framherjinn frá Noregi er 21 árs gamall.

Alf-Inge, faðir hans lék meðal annars með Manchester City á ferli sínum en sonurinn fetar nú í fótsport hans.

Real Madrid hafði einnig lagt áherslu á að fá Haaland en nú er allt frágengið og framherjinn fer til Manchester City.

Haaland hefur bætt sig mikið líkamlega á undanförnum árum. „Líkami hans tekur vel við æfingum en genin í honum eru mjög góð,“ segir Erase Steenslid sem þjálfað hefur Haaland og segir hann í raun vera erfðafræðilegt undur.

„Hann bætti á sig tólf kílóum af vöðvum á fimmtán mánuð. Það var rosalegt, við bjuggum til vöðva. Hann var alltaf að borða og diskurinn var eins og fjall hjá honum.“

Haaland er bæði sterkur og fljótur og verður fróðlegt að sjá innkomu hans í ensku úrvalsdeildinni.