Hver elskar ekki heimabakað fræhrökkbrauð? Það hreinlega biður mann að borða sig og er svo gott á meðan það er nýtt og krönsí, hvort sem það er eitt og sér eða með góðu áleggi eða ídýfu. Berglind Hreiðars okkar ástsæli matar- og ævintýrabloggari hjá Gotterí og gersemar þróaði girnilega fræhrökkbrauðsblöndu fyrir Til hamingju og deilir hér með lesendum uppskrift af avókadó hummus sem er fullkominn með hrökkbrauðinu.

„Hummus passar einstaklega vel með fræhrökkbrauði og hér var ég að prófa útfærslu með avókadó sem er algjört dúndur, mæli með að þið prófið,“segir Berglind.

Avókadó hummus og hrökkbrauð

1 poki Til hamingju hrökkbrauðsblanda

230 g kjúklingabaunir (úr krukku/dós)

1 þroskað avókadó (2 ef þið notið úr neti)

1 msk. tahini

½ stk. límónu– safi

1 pressað hvítlauksrif

3 msk. ólífuolía

½ tsk. salt

Bakið hrökkbrauðið samkvæmt leiðbeiningum á poka.

Setjið öll önnur hráefni í matvinnsluvél/blandara og blandið þar til þykkt mauk hefur myndast. Ef þið notið blandara (eins og ég gerði) þá gætuð þið þurft að skafa niður nokkrum sinnum og „púlsa“.

Setjið í fallega skál og toppið með smá olíu, chilidufti og kóríander ef þið óskið þess. Njótið með heimabökuðu hrökkbrauðinu.