Cristiano íhugar nú að yfirgefa Manchester United, aðeins nokkrum mánuðum eftir að hann skrifaði undir samning við félagið.
Ronaldo hefur skorað 14 mörk í 23 leikjum síðan hann sneri aftur til Manchester United frá Juventus síðasta sumar. Tímabilið hefur gengið brösuglega hjá enska liðinu og segir í spænskum fjölmiðlum að Ronaldo sé ósáttur við að liðið sé frekar í baráttu um fjórða sætið heldur en titilinn.
El Nacional segir að Ronaldo sakni góðu daganna í Real Madrid og hefur beðið umboðsmann sinn um að hringja í Florentino Perez, forseta spænska félagsins, og ræða um endurkomu Portúgalans.
Á spænskum miðlum segir þó að Ronaldo muni klára tímabilið með United en ef liðið nær ekki Meistaradeildarsæti þá muni hann róa á önnur mið.
