Þremur leikjum var að ljúka í ensku úrvalsdeildinni rétt í þessu.
Crystal Palace tók á móti Liverpool. Gestirnir byrjuðu fyrri hálfleikinn vel og braut Virgil van Dijk ísinn strax á 8 mínútu með frábærum skalla eftir hornspyrnu þar sem varnarmenn Palace hreinlega gleymdu að dekka Hollendinginn. Alex Oxlade-Chamberlain tvöfaldaði forystuna á 32. mínútu eftir frábæra stoðsendingu frá Robertson. Þá vöknuðu heimamenn og áttu nokkur hættuleg færi þar til flautað var til hálfleiks.
Áfram hélt sókn Crystal Palace í seinni hálfleik og uppskáru þeir á 55. mínútu er Odsonne Edouard minnkaði muninn. Heimamenn héldu áfram að ógna fram á við en Liverpool fékk mjög umdeilda vítaspyrnu undir lok venjulegs leiktíma. Fabinho skoraði af örryggi úr spyrnunni. Lengra komust heimamenn ekki og 3-1 sigur Liverpool staðreynd.
Leicester tók á móti Brighton á sama tíma. Fyrri hálfleikur var nokkuð rólegur þrátt fyrir að bæði lið hafi átt nokkur hálffæri. Markalaust var í hálfleik en seinni hálfleikur byrjaði af krafti er Patson Daka kom heimamönnum yfir á 46. mínútu. Gestirnir gáfust þó ekki upp en Danny Welbeck jafnaði metin á 82. mínútu. Ekki voru fleiri mörk skoruð og 1-1 jafntefli niðurstaðan.
Loks tók Arsenal á móti Burnley en þeim leik lauk með markalausu jafntefli. Arsenal var töluvert meira með boltann en leikmenn Burnley vörðust vel.
Crystal Palace 1 – 3 Liverpool
0-1 Virgil van Dijk (´8)
0-2 Alex Oxlade-Chamberlain (´32)
1-2 Odsonne Edouard (´55)
1-3 Fabinho (´88)
Leicester 1 – 1 Brighton
1-0 Patson Daka (´46)
1-1 Danny Welbeck (´82)
Arsenal 0 – 0 Burnley
