Danska úrvalsdeildarfélagið AGF hefur sett háan verðmiða á Jón Dag Þorsteinsson, leikmann liðsins, en samningur Jóns Dags rennur út í sumar.
Samkvæmt heimildum miðilsins Ekstra Bladet vill AGF fá 5.6 milljónir danskra króna fyrir leikmanninn en það jafngildir um 110 milljónum íslenskra króna.
Jón Dagur, sem er 23 ára gamall, var einn besti leikmaður íslenska landsliðsins á síðasta ári. Hann hefur leikið 16 A-landsleiki og skorað í þeim tvö mörk.