Lokaleik dagsins í ensku úrvalsdeildinni er lokið en þar tók Watford á móti Manchester City. Manchester City vann nokkuð þægilegan 1-3 sigur.
Gestirnir byrjuðu leikinn af krafti en Raheem Sterling kom þeim yfir strax á 4. mínútu. Bernardo Silva tvöfaldaði forystuna þegar rúmur hálftími var liðinn af leiknum og hann var aftur á ferðinni á 63. mínútu er hann kom gestunum í 0-3 en hann hefur verið frábær á tímabilinu.
Juan Hernández minnkaði muninn fyrir heimamenn á 74. mínútu en lengra komust þeir ekki.
Manchester City fer á topp deildarinnar með 35 stig. Watford er í 17. sæti með 13 stig.
Watford 1 – 3 Manchester City
0-1 Raheem Sterling (´4)
0-2 Bernardo Silva (´31)
0-3 Bernardo Silva (´63)
1-3 Juan Hernández (´74)