Það komst í fréttirnar í vikunni að heitasta ósk Cristiano Ronaldo væri að vinna fleiri gullbolta en Lionel Messi. Pascal Ferre er maðurinn greindi frá þessu en hann er yfir samtökunum sem gefa gullboltann á ári hverju.
Lionel Messi hefur unnið sex gullbolta á ferlinum, og á von á sínum sjöunda í kvöld, en Ronaldo hefur unnið fimm stykki.
Ronaldo sendi nýverið frá sér yfirlýsingu og segir fréttina vera algjöra steypu. Hann þrái ekkert meira en að vinna titla fyrir félags- og landslið en annað skiptir ekki máli.
„Pascal Ferré laug og notaði nafnið mitt til að koma sjálfum sér og blaðinu sem hann vinnur hjá á framfæri. Það er óásættanlegt að sá sem sér um þessi verðlaun ljúgi á þennan hátt. Hann laug aftur í dag þegar hann sagði að ég kæmi ekki á verðlaunahátíðna vegna sóttkvíar,“ sagði Ronaldo á Instagram síðu sinni.
„Ég óska þeim sem vinnur alltaf til hamingju, ég er aldrei á móti neinum.“
„Helsta markmiðið á mínum ferli er að vinna titla með landsliðinu mínu og með þeim félögum sem ég spila með. Ég vil vera góð fyrirmynd fyrir alla atvinnumenn og þá sem dreymir um að verða það.“
