Christine Quinn hefur slegið í gegn í vinsælu raunveruleikaþáttunum Selling Sunset á Netflix. Fjórða þáttaröðin kom út á streymisveitunni í síðustu viku.
Í þáttaröðinni er fylgst með meðgöngu Christine og lífi hennar sem nýbakaðrar móður. En það virðast ekki allir „kaupa“ það og ganga kjaftasögur um meðgönguna og Christine.
Raunveruleikastjarnan lætur í sér heyra og kallar þessar kjaftasögur „fokking ógeðslegar“ í Story á Instagram.
View this post on Instagram
Christine deildi skjáskoti af einkaskilaboðum sem hún fékk frá ónefndum netverja. Aðilinn sakaði hana um að hafa „feikað“ meðgönguna. Us Weekly greinir frá.
„Af hverju þóttistu vera ólétt? Það er alveg í lagi að vera með staðgöngumóður en ekki setja óraunhæfar væntingar fyrir nýbakaðar mæður þegar hún gekkst ekki einu sinni sjálf með barnið. Það er blekkjandi og skammarlegt,“ sagði netverjinn.
Christine svaraði: „Ókei þið eruð öll fokking ógeðsleg.“
Hún tjáði sig nánar um málið á Twitter. „Fyrir ykkur sem eruð enn brjáluð út af óléttumálinu, farið á Instagram hjá mér og skoðið Story, og biðjist afsökunar. Þetta er í alvöru svo særandi,“ sagði hún.
„Þú getur birt mynd af þér fæða barnið en það verður samt eitthvað fólk sem trúir þér ekki. Frekar ógeðslegt,“ sagði einn fylgjandi hennar og tók Christine undir. „Haha, svo satt.“
Raunveruleikastjarnan, 33 ára, og eiginmaður hennar Christian Richard, eignuðust sitt fyrsta barn í maí 2021. Drengurinn fékk nafnið Christian Georges Dumontet.
