Breska fyrirsætan og áhrifavaldurinn Jess Hunt er nú höfð að háði og spotti fyrir það sem netverjar kalla „stórkostleg photoshop mistök.“
Jess er með rúmlega eina og hálfa milljón fylgjenda á Instagram. Hún deildi myndum af sér fyrir framan Eiffel-turninn í París og skrifaði með myndunum: „Ein af mínum uppáhalds borgum.“
Hún deildi nokkrum myndum af sér í svörtum kjól og hælum og einu myndbandi þar sem hún virðist ganga á götu Parísar fyrir framan Eiffel-turninn fræga.
View this post on Instagram
Hins vegar hafa glöggir netverjar tekið eftir því að það er eitthvað furðulegt við myndirnar. Hún virðist ekki vera fyrir framan Eiffel-turninn heldur grænt tjald (e. green screen).
Fjöldi fólks hefur skrifað athugasemdir við færsluna þar sem það sakar hana um photoshop. Margir fjölmiðlar víðs vegar um heiminn hafa einnig fjallað um málið.
Það virðist sem svo að málið hafi undið upp á sig og endaði Jess loksins um að tjá sig um það í samtali við Daily Mail Australia. Jess heldur því staðfastlega fram að myndirnar séu ekta.
„Þessar myndir voru ekki photoshoppaðar. Ég var þarna í alvöru. Ég er meira að segja með myndband af mér fyrir framan Eiffel-turninn,“ sagði hún.
Það kaupa ekki allir það sem hún er að selja og benda margir á að það vanti alla skugga á myndirnar. „Það kemur enginn skuggi frá henni. Það er eins og hún sé að fljóta,“ segir einn netverji.
