Enska götublaðið The Mirror heldur því fram að þrír kostir séu í stöðunni fyrir stjórn Manchester United ef Ole Gunnar Solskjær verður rekinn úr starfi.
Zinedine Zidane og Antonio Conte eru nefndir til sögunnar en báðir eru án starfs. Fram hefur komið að Conte sé klár í slaginn.
Conte hætti með Inter í sumar eftir að hafa gert liðið að meisturum. Þá þekkir hann ensku deildina eftir dvöl sína hjá Chelsea þar sem hann gerði liðið að meisturum.
Zidane hefur stýrt Real Madrid á ferli sínum með góðum árangri. Þá er Brendan Rodgers stjóri Leicester á blaði United ef marka má Mirror.
Richard Arnold framkvæmdarstjóri Manchester United hætti við alla fundi í dag til að geta rætt um framtíð Ole Gunnar Solskjær hjá félaginu. Guardian segir frá. Arnold mun í dag funda með Joel Glazer einum af eigendum félagsins um hvað skal gera.
Enginn neyðarfundur fór fram hjá stjórn Manchester United í gær eftir 0-5 tap gegn Liverpool á heimavelli.