Samkvæmt frétt CNN þá sýna upptökur úr eftirlitsmyndavélum að Nance gekk um bifreiðastæðið þann 25. september. Hún sést opna afturdyr bílsins og fara inn í hann. Umræddur bíll var upprunalega hannaður til fangaflutninga og því er ekki hægt að opna dyr hans innanfrá.
Lögreglan segir að ekkert bendi til að Nance hafi komist úr bílnum eftir þetta. CNN segir að gluggar bílsins hafi verið opnaðir og lokað þann 28. september á meðan fjöldi fólks fór um bílastæðið. En enginn tók eftir að Nance var í bílnum.
Lögreglan segir að andlát Nance hafi borið að með eðlilegum hætti og að ekki sé talið að hún hafi orðið fyrir ofbeldi.
En lögreglan stendur frammi fyrir fjölda ósvaraðra spurninga. Til dæmis af hverju bíllinn var ekki læstur. Einnig verður hún að svara hvernig stendur á því að skópar hafi getað staðið við hlið bílsins dögum saman án þess að lögreglumenn tækju eftir því en þeir eru á ferð um bílastæðið allan sólarhringinn.
Washington Post segir að lögreglan í Huntsville hafi heitið því að komast til botns í málinu. DeWayne McCarver, yfirmaður hjá lögreglunni, viðurkenndi einnig að lögreglan hefði gert mistök í málinu því bíllinn hefði ekki átt að vera ólæstur.
