Cherie Louise er 29 ára einfætt fyrirsæta sem hefur mátt sæta rætnum árásum nettrölla á samfélagsmiðlum sem saka hana um að nota myndvinnsluforrit til að þykjast vera einfætt.

Louise segir ásakanirnar fáránlegar. Það hafi hana heilu árin að verða nægilega sátt í eigið skinni til að þora að eltast við fyrirsætudrauminn eftir aflima þurfti vinstri fót hennar til að bjarga lífi hennar er hún var sex ára og glímdi við beinkrabbamein.

Hins vegar virðast netverjar ekki sannfærðir um að Louise sé að segja satt og hafa sumir sakað hana um að gera sér upp fótaleysið til að fá fleiri fylgjendur.

„Fólk á netinu sakar mig um að þykjast hafa einn fót og halda því fram að ég noti Photoshop til að fjarlægja vinstri fótinn minn af myndum bara til að fá meiri athygli,“ segir Louise.

Hún bendir á að hún hafi ekki bara tapað fætinum vegna krabbameinsins heldur einnig hluta af lífbeininu, en vegna þess sé erfitt fyrir hana að nota gerviútlim.

„Fólk telur sig einnig sjá eitthvað speglast á gólfinu og telja það sönnum fyrir því að ég hafi photoshoppað fótinn minn burt. Ég veit að þessar athugasemdir eru galnar og auðvelt að afsanna þær og sumir hefðu kannski litið á svona ásakanir sem fyndnar. 

Mér finnst þetta samt pirrandi, í ljósi þess hvað ég hef þurft að þola til að lifa af, að fólk sé að gera lítið úr því og kalla það lygi og myndvinnslu. Ég hef alltaf staðið upp úr, og það lét mig á endanum draga mig í hlé frá hlutum sem gætu vakið athygli á mér, svo sem að spila íþróttir. Ég gekk í gegnum restina af minni skólagöngu þar sem ég reyni að fara bara með veggjum.“

Viss þáttaskil urðu hjá Louise þegar hún sá myndir af annari einfættri fyrirsætu sem sýndi fötlun sína og ör stolt.  Hún vildi gera það sama – vera fulltrúi fólks með fötlun í fyrirsætubransanum og kannski geta orðið innblástur fyrir einhvern annan.