Atletico Madrid og Liverpool eigast nú við í riðlakeppni Meistaradeildar Evrópu. Staðan er 2-2 þegar seinni hálfleikur er nýhafinn.

Mohamed Salah kom Liverpool yfir á 8. mínútu og Naby Keita tvöfaldaði forystu þeirra fimm mínútum síðar.

Síðan þá er Antoine Griezmann þó búinn að jafna leikinn fyrir Atletico með mörkum á 20. og 34. mínútu.

Eftir fyrra mark hans skoðuðu dómarar leiksins lengi hvort að Thomas Lemar, samherji Griezmann, hefði áhrif á Joel Matip, varnarmann Liverpool, er hann reyndi að verjast markinu. Lemar var í rangstöðu. Markið var þó dæmt gott og gilt.

Dæmi hver fyrir sig hvort markið hefði átt að standa út frá myndunum hér að neðan.