Wanda Nara, umboðsmaður og eiginkona Mauro Icardi, sem leikur með Paris Saint-Germain, virðist saka leikmanninn um framhjáhald í Instagram-færslu. Þá hefur hún hætt að fylgja honum á samfélagsmiðlum, ásamt því að eyða fjölda myndum af þeim.
Nara er ansi umdeild og tekur fyrirsagnirnar reglulega. Hún fór til að mynda frá Maxi Lopez, sem á þeim tíma var liðsfélagi Icardi, til þess að vera með þeim síðarnefnda. Nara sakaði Lopez einnig um framhjáhald.
,,Aftur skemmirðu fjölskyldu fyrir kynlíf,“ skrifaði Nara á Instagram. Með þessum orðum virðist hún saka eiginmann sinn um framhjáhald.
Samkvæmt breska götublaðinu The Sun hefur parið nú þegar slitið sambandinu.
Nara og Icardi giftu sig árið 2014. Þau eiga saman tvö börn. Nú er útlit fyrir að leiðir stjörnuparsins séu að skilja.
