Samkvæmt heimildum Sky Sports þykir ólíklegt að Steve Bruce verði við stjórnvölinn hjá Newcastle í leik liðsins gegn Tottenham um næstu helgi á St. James’ Park.
Bruce hitti nýja hlutaeiganda félagsins Amöndu Steveley í fyrsta sinn á mánudag og stýrði æfingu liðsins á þriðjudag ásamt aðstoðarþjálfaranum Graeme Jones.
Steve Bruce átti að sitja fyrir svörum á blaðamannafundi á þriðjudag en þeim fundi hefur verið frestað fram á föstudag vegna óvissu um framtíð hans hjá félaginu sem er talin í mikilli hættu eftir að Mike Ashley seldi félagið í hendur sádí-arabíska sjóðsins PIF í síðustu viku.
Bruce hitti Staveley í fyrsta sinn á mánudag á æfingasvæði félagsins en framtíð hans var ekki til umræðu á stuttum. Bruce hlýtur 8 milljónir punda greiðslu frá félaginu ef hann er rekinn eins og búist er við.
Þá er talið líklegt að Graeme Jones taki við sem bráðabirgðaþjálfari í fjarveru Bruce á meðan félagið leitar að nýjum stjóra. Jones er eini meðlimur þjálfarateymisins sem var ráðinn eftir að Bruce tók við stjórnvölunum árið 2019.
Bruce sagði í samtali við Sky Sports News að hann væri fullmeðvitaður um að nýju eigendurnir gætu sóst eftir nýjum þjálfara.
„Ég er ánægður fyrir hönd félagsins að þetta hefur farið í gegn. Þetta er frábært kvöld fyrir stuðningsmennina, ég er ánægður þeirra vegna,“ sagði Bruce.
„Ég vil halda áfram (sem þjálfari) en ég verð að vera raunsær. Ég er ekki vitlaus og meðvitaður um hvað gæti skeð með nýju eigendurna.“