Mike Ashley hefur áhuga á því að kaupa Derby County eftir að hafa selt Newcastle United á 305 milljónir punda til opinbers fjárfestingasjóðs frá Sádí Arabíu á dögunum. Mirror fjallar um þetta.
Derby, sem er við Wayne Rooney í stöðu knattspyrnustjóra, er í miklum fjárhagsvandræðum. Félagið er sem stendur í greiðslustöðvun.
Nú þegar hafa 12 stig verið dregin af Derby í Championship-deildinni vegna fjárhagsvandræðanna. Ekki þykir ólíklegt að fleiri verði dregin af þeim á næstunni.
Ashley er eigandi íþróttavöruverslananna Sports Direct. Ein af meginástæðum þess að hann hefur áhuga á því að eignast Derby er talin sú að það gæti gert honum auðveldara fyrir að auglýsa fyrirtæki sitt á stærri vettvangi.
Ashley var allt annað en vinsæll á meðal stuðningsmanna Newcastle á tíma sínum þar. Hann var ekki talinn sýna mikinn metnað til að gera liðið betra.