,,Ég fann það í aðdraganda leiks að fókusinn var spot-on hjá leikmönnum. Við sýndum mjög solid frammistöðu í dag. Það voru taugar innan hópsins, við nýttum það,“ sagði Sölvi Geir Ottesen, fyrirliða Víkinga við Stöð 2 Sport eftir að liðið hafði tryggt sér Íslandsmeistaratitilinn í dag.

Víkingur vann leikni á heimavelli sínum, 2-0, og varð þar með meistari í fyrsta sinn í 30 ár.

,,Ég veit ekki hvort þeir hafi skapað neitt. Varnarleikurinn var alveg spot-on. Við tækluðum, vorum svo vel stilltir varnarlega séð. Þeir komust ekkert áleiðis,“ sagði Sölvi.

Sölvi kom heim úr atvinnumennsku árið 2019 og fór beint í Víking. Hann segist alltaf hafa haft trú á að liðið gæti náð langt.

,,Maður hefur alltaf trú á hlutunum. Maður ætlar alltaf að fara inn í hvern einasta leik til að vinna hann. Þetta er náttúrulega allt annað lið frá því ég kom heim. Þetta lið á svo fyllilega skilið að vinna þennan titil.“

,,Þetta er draumi líkast. Ef maður hefði skrifað eitthvað handrit og reynt að gera eins góðan endi og hægt er þá væri það einmitt svona.“