Meistaradeildin hefst aftur í kvöld og ríkir mikil spenna á meðal fótboltaáhugamanna. Chelsea er ríkjandi Evrópumeistari en liðið mætti Manchester City í úrslitaleiknum í maí á þessu ári.
Joe Cole, fyrrum leikmaður Chelsea og enska landsliðsins, telur að enska deildin sé sú langsterkasta í heiminum og það kæmi honum ekki á óvart ef öll liðin í undanúrslitum verði ensk.
„Það kæmi mér svakalega á óvart ef það verða ekki að minnsta kosti tvö ensk lið í undanúrslitum, hugsanlega þrjú lið eða jafnvel öll fjögur. Ég tel bara að enska deildin sé mikið sterkari en hinar deildirnar,“ sagði Joe Cole við Sportsmail.
„Ef ég ætti að spá þá finnst mér líklegast að Chelsea vinni aftur. En samt geta öll þessi ensku lið unnið hvern sem er. Við höfum fjögur bestu liðin í Evrópu að mínu mati.“