Karlmaður ákvað að skrá kærustu sína á Tinder til að kanna það hvort hún væri nægilega góð fyrir hann og viðbrögðin komu honum hressilega í opna skjöldu.

Hann greindi frá þessu á Facebook.

„Strákar takið eftir, ef ykkur finnst kærastan ekki nógu góð fyrir ykkur, búið til aðgang að Tinder og notið myndir af henni og sjáið hversu margir menn væru til í að vera í ykkar sporum. Ég gerði þetta í gríni og kærastan mín var komin með 1300 „læk“ eftir klukkutíma. Ég er núna að fara að láta renna í bað fyrir hana, elda matinn, brjóta saman þvottinn og nudda á henni fæturna. Þetta er galið. Ég er bara einn maður, ég get ekki keppt við 1300 menn sem vilja konuna mína.“ 

Maðurinn er talinn hafa deilt færslunni fyrst á sinni eigin Facebook síðu en skjáskot voru tekin af færslunni og hefur hún farið sem eldur um sinu á netinu.

Hann uppfærði svo færsluna eftir að hún birtist fyrst.

„Hún er núna komin með 1865 lær. Ég ætla að naglalakka á henni tærnar og kaupa handa henni smáhest.“ 

og svo aftur: „2252 læk. Veit einhver hvar maður getur keypt kálf?“ 

Margir hafa deilt áliti sínu á uppátæki mannsins.

„Kannski eru „læk“ á Tinder ekki besta mælitækið á gildi manneskju/maka, bara pæling sko,“ skrifar einn.

„Ef hún elskar þig þá gætu 10.000 menn verið á eftir henni og það myndi ekki skipta máli,“ skrifar annar.

„Gagnkynhneigðir menn: Því bara aðrir karlmenn geta kennt þeim að meta kærustur sínar,“ skrifar enn annar.