Stjarnan og Breiðablik gerðu jafntefli í Pepsi Max-deild kvenna í dag. Leikið var á heimavelli þeirra fyrrnefndu. Leikurinn var liður í 17. umferð.
Betsy Hassett kom Stjörnunni yfir strax á 3. mínútu leiksins. Stundarfjórðungi síðar jafnaði Agla María Albertsdóttir fyrir gestina.
Á 23. mínútu var Hildur Antonsdóttir svo búinn að snúa leiknum Blikum í vil með marki.
Forystan lifði í tíu mínútur. Þá jafnaði Gyða Kristín Gunnarsdóttir leikinn fyrir heimakonur.
Skömmu fyrir hálfleik fékk Selma Sól Magnúsdóttir, leikmaður Breiðabliks, beint rautt spjald.
Tíu Blikar komust aftur yfir snemma í seinni hálfleik með marki Tiffany McCarty.
Á 62. mínútu jafnaði Gyða metin fyrir Stjörnuna á ný með marki af vítapuntkinum.
Fleiri urðu mörkin ekki, lokatölur 3-3.
Breiðablik er í öðru sæti deildarinnar með 33 stig, 9 stigum á eftir toppliði Vals. Stjarnan er í fimmta sæti með 24 stig.
Öll lið deildarinnar eiga eftir að leika einn leik.
