Breiðablik mætir Aberdeen í dag í síðari leik liðanna í þriðju umferð forkeppni Sambandsdeildarinnar.

Leikurinn fer fram á Pittodrie í Aberdeen og hefst hann kl. 18:45 að íslenskum tíma. Fyrri leikur liðanna endaði með 3-2 sigri Aberdeen, en leikið var á Laugardalsvelli. Gísli Eyjólfsson og Árni Vilhjálmsson skoruðu mörk Blika í leiknum.

Takist Breiðablik að slá Aberdeen út úr keppninni mætir liðið annað hvort AEL Limassol frá Kýpur eða Qarabag frá Azerbaijan. Fyrri leikur þeirra endaði með 1-1 jafntefli á Kýpur.

Veðbankar hafa litla trú á kraftaverki Blika og að liðið fari með sigur af hólmi, en liðið þarf sigur með einu marki til að leikurinn fari í framlengingu. Vinni Blikar með meira en einu marki fer liðið áfram.

Hjá Lengjunni er stuðulinn 5,44 á sigur Blika en aðeins 1,34 á sigur Aberdeen og því hafa veðbankar litla trú á sigri Blika.