Frá og með deginum í dag og til og með 19. júní  fá íbúar í Moskvu aukafrí í vinnunni og halda launum sínum. Gærdagurinn var almennur frídagur því þjóðhátíðardagurinn 12. júní var á laugardegi að þessu sinni og því var þjóðinni bætt það upp með fríi á mánudegi. Næsti almenni vinnudagur borgarbúa verður því 21. júní.

Það er því óhætt að segja að borgarbúar fái langa helgi. Sergej Sobjanin, borgarstjóri, tilkynnti um helgina að hann hefði skrifað undir tilskipun um þetta langa frí en því er ætlað að draga úr smitum af völdum kórónuveirunnar en þeim hefur fjölgað mikið í borginni að undanförnu.

Auk þess að gefa fólki frí þá á að loka öllum börum og veitingastöðum í síðasta lagi klukkan 23.