David Moyes hefur skrifað undir nýjan samning við West Ham og mun því stýra liðinu áfram. Þá mun Nuno Espirito Santo líklega taka við Everton. Fabrizio Romano greinir frá.
Moyes gerði frábæra hluti með West Ham á síðustu leiktíð og kom liðinu virkilega óvænt í Evrópudeildina. Hann var í kjölfarið orðaður við stjórastöðuna hjá sínu gamla félagi, Everton. Nú er hins vegar ljóst að svo verður ekki því hann hefur gert nýjan þriggja ára samning.
Nuno er líklegastur til að taka við sem stjóri Everton. Carlo Ancelotti hætti þar á dögunum til þess að taka við Real Madrid.
Nuno hefur stýrt Wolves við góðan orðstýr síðustu ár. Hann hætti þar í vor. Hann mun nú líklega verða yfirmaður Gylfa Þórs Sigurðssonar hjá Everton.
Official and completed. West Ham confirms David Moyes has signed a new three-year contract, he’s not joining Everton where Nuno Espirito Santo is set to be appointed. 🔴 #WHUFC #EFC
— Fabrizio Romano (@FabrizioRomano) June 12, 2021
