Arsenal er á eftir Ruben Neves, miðjumanni Wolves, en hann er metinn á um það bil 34 milljónir punda. Arteta vill styrkja miðsvæðið í sumar en Dani Ceballos og Martin Odegaard eru á leið aftur til Real Madrid eftir lánssamning við Arsenal.
Samkvæmt Sunday Times er Mikel Arteta spenntur fyrir Neves en hann vill einnig fá Yves Bissouma sem leikur með Brighton.
Neves samdi við Wolves í júlí árið 2017. Hann hefur spilað 176 leiki fyrir félagið og skorað 20 mörk. Hann hefur vakið mikla athygli fyrir hæfileika sína í ensku deildinni og hugsar Arteta hann sem frábæran félaga fyrir Thomas Partey á miðjunni.
Fleiri stjörnur Wolves eru líklega á leiðinni annað en þar má meðal annars nefna Pedro Neto og Adama Traore.
Stjórnarformaður Wolves sagði í maí að samningur Neves rennur út 2024.
„Hann á ennþá þrjú ár eftir hér svo aðdáendur þurfa ekki að hafa áhyggjur af því að hann sé að fara eða losna af samning,“ sagði stjórnarformaður Wolves.
