Maður var skotinn til bana í Bagarmossen í suðurhluta Stokkhólms í nótt. Lögreglunni barst tilkynning um skothvelli í hverfinu klukkan 02.39 að staðartíma. Þegar lögreglumenn komu á vettvang fundu þeir einn mann og var hann látinn.
Sænska ríkisútvarpið skýrir frá þessu. Segir miðillinn að lögreglan hafi ekki enn viljað staðfesta að maðurinn hafi verið skotinn til bana.
Unnið hefur verið að vettvangsrannsókn í alla nótt. Enginn hefur verið handtekinn vegna málsins.
