Real Madrid verða án Valverde í kvöld þegar liðið mætir Getafe þar sem leikmaðurinn var í nánum samskiptum við manneskju sem smituð er af Covid-19. Leikmaðurinn hefur sjálfur greinst neikvæður fyrir veirunni skæðu en fær ekki að vera með.
Þetta gerir það að verkum að Zidane, þjálfari Madrídinga, hefur aðeins úr 12 útileikmönnum að moða í kvöld vegna meiðsla, banna og Covid-19.
Eden Hazard, Sergio Ramos, Raphael Varane, Lucas Vazquez, Dani Carvajal, Casemiro, Nacho Fernandez, Valverde og Ferland Mendy eru dæmi um leikmenn sem geta ekki verið með liðinu í kvöld. Þá hefur Zidane aðeins um þrjá miðjumenn að velja í kvöld en það eru Modric, Kroos og Isco. Ljóst er að ungu strákarnir úr akademíunni verða að stíga upp í kvöld fái þeir tækifæri til.
Madrid mega alls ekki tapa stigum í deildinni en baráttan um titilinn er afar hörð. Atlético er í toppsætinu með 67 stig, Real í 2. sæti með 66 stig og Barcelona í 3. sæti með 65 stig.
Leikur Getafe og Real Madrid hefst á slaginu 19:00 í kvöld.
🤕 Mendy
🤕 Ramos
🤕 Varane
🤕 Valverde
🤕 Carvajal
🤕 Hazard
🤕 Vazquez
🟥 Nacho
🟥 Casemiro😖 Zinedine Zidane is down to the bare bones… pic.twitter.com/m90FmaO4WK
— WhoScored.com (@WhoScored) April 18, 2021
