Simon Jordan fyrrum eigandi Crystal Palace efast um að Everton geti komið sér í toppbaráttu á Englandi miðað við stefnu félagsins á leikmannamarkaðnum síðustu ár.
Jordan sem er í dag sérfræðingur TalkSport ræddi stöðu Everton í gær en hann telur að félagið þurfi að kaupa dýrari og betri leikmenn, metnaður Everton liggur í því að komast í Meistaradeild Evrópu.
Það leit ágætlega út fyrir Everton á dögunum en hallað hefur undan fæti hjá Everton síðustu vikur og jafntefli gegn Brighton á mánudag var slæmt. „Farðu með mér í gegnum það hvernig Alex Iwobi er lykilmaður í því að koma þér á þann stað og í samanburði við þau kaup sem hin félögin eru að gera, með fullri virðingu fyrir honum,“ sagði Jordan um kaup Everton á Alex Iwobi frá Arsenal árið 2019, félagið borgaði þá 35 milljónir punda fyrir hann.
Jordan nefnir einnig kaup Everton á Gylfa Þór Sigurðssyni sem kostaði félagið rúmar 40 milljónir punda árið 2017. „Gylfi Þór Sigurðsson sem er góður leikmaður, fyrir 50 milljónir punda. Leikmaður sem myndi ekki vekja áhuga annara stórliða,“ sagði Jordan um kaupin á Gylfa.
Gylfa er að klára sitt fjórða tímabil hjá Everton en hann á rúmt ár eftir af samningi sínum.
🤔 “Explain to me how Alex Iwobi enhances Everton’s #UCL hopes.”
💰 “Sigurdsson, £50m on a player that doesn’t interest any other top 6 clubs.”
Simon Jordan doesn’t believe that #EFC’s players are of Champions League quality… pic.twitter.com/ItsHWzo82m
— talkSPORT (@talkSPORT) April 13, 2021
