Það er skortur á kirsuberjatómötum á landinu þessa dagana. Ástæðan er tvöföld. Í fyrsta lagi vegna þess að það er lítið framboð af tómötum og í öðru lagi vegna þess að það er æði að ganga á samfélagsmiðlinum TikTok sem inniheldur kirsuberjatómata.
Uppskriftin sem virðist vera að gera allt vitlaust kallar eftir kirsuberjatómötum, pasta og fetaosti.Æðið hefur náð til landsins og staðfestir Guðmundur Marteinsson, framkvæmdastjóri Bónus, það í samtali við DV.
„Það er mikið „hype“ í kringum þessa vöru akkúrat í augnablikinu og því miður er íslenska framleiðslan í lægð á sama tíma,“ segir hann.
Í Finnlandi seldist allur fetaostur upp eftir að uppskriftin fór á flug. Fjöldi fólks hefur sést deila myndum af uppskriftinni sem er vægast sagt girnileg.
Hér getur þú skoðað uppskriftina. Þú getur einnig horft á myndband hér að neðan.
@everything_delishBAKED FETA PASTA | thanks @feelgoodfoodie for the recipe inspo! ##recipe ##pasta ##feta ##bakedfeta ##bakedfetapasta ##cheese ##food ##tiktokfood♬ Aesthetic – Xilo
