James Maddison, leikmaður Leicester City, skoraði annað mark liðsins í 2-0 sigri á Chelsea í ensku úrvalsdeildinni.

Maddison sagði í viðtali eftir leik að hann hefði nýtt sér ábendingar Jamie Carragher um spilamennsku sína til að reyna spila betur.

„Ég man eftir að við spiluðum á móti Sheffield United fyrr á tímabilinu. Ég horfi alltaf á leikina okkar í sjónvarpinu eftir á og tók eftir því að Carragher sagði að ég þyrfti að bæta leik minn til að eiga séns á landsliðssæti í enska landsliðinu,“ sagði Maddison í viðtali eftir leik Leicester í gær.

Í kjölfarið hafi Maddison, sest niður með Brendan Rodgers, knattspyrnustjóra Leicester og leikgreinanda liðsins til að skoða það hvernig hann gæti skorað fleiri mörk.

Þeir félagarnir virðast hafa fundið réttu blönduna á leikskipulagi fyrir Maddison en leikmaðurinn hefur nú skorað mark í þremur leikjum í röð.

Leicester City er sem stendur í 1. sæti ensku úrvalsdeildarinnar með 38 stig eftir 19 leiki.