Heilahristingsskiptingar (e. concussion substitues), verða leyfðar í ensku úrvalsdeildinni frá og með næstu viku, í tilraunaskyni. Þetta herma heimildir The Athletic.
Liðum verður þá heimilt að skipta leikmönnum, sem talið er að hlotið hafi heilahristing, af velli án þess að skiptingin teljist sem ein af þeim þremur skiptingum sem liðum er heimilt að gera í leikjum ensku úrvalsdeildarinnar.
Á meðan skiptingarnar eru leyfðar í tilraunaskyni í ensku úrvalsdeildinni verður liðum heimilt að nýta sér tvær heilahristingsskiptingar.
Ákveðið var að leyfa skiptingarnar í tilraunaskyni til að fá betri mynd af því hvernig þær muni koma til gagns. Komandi tilraunaferli verður síðan notað til að gefa umsögn áður en þær verða skilgreindar og festar, í knattspyrnulögum á Englandi.