Vicky Jepson, hefur verið sagt upp störfum sem knattspyrnustjóri kvennaliðs Liverpool eftir slæmt gengi undanfarið. Jepson og forráðamenn Liverpool sammældust um að leiðir skildu skilja.
Liverpool leikur í ensku B-deildinni eftir að hafa fallið úr efstu deild á síðasta tímabili. Liðið situr nú í 3. sæti B-deildarinnar, átta stigum á eftir toppliði Leicester City, sem þykir ekki ásættanlegur árangur í Bítlaborginni.
Jepson er öllum hnútum kunnug hjá Liverpool, hún hefur starfað hjá félaginu í yfir áratug. Hún tók við sem knattspyrnustjóri liðsins árið 2018.
Amber Whiteley, aðstoðarþjálfari liðsins tekur við sem bráðabirgðastjóri á meðan leit stendur yfir að nýjum knattspyrnustjóra.