Þórunn Antonía nýtur mikilla vinsælda á samfélagsmiðlum og er með tæplega 14 þúsund fylgjendur á Instagram. Hún er dugleg að deila ýmis konar myndum úr lífi sínu. Fyrir viku síðan deildi hún mynd af sér vera að skreyta jólatré í rauðri blúndu samfellu.
Með myndinni skrifaði hún: „Ég las í fréttunum að það væri skortur á heitu vatni á Höfuðborgarsvæðinu. Það er allavegana sjóðandi hér í Vesturbænum.“
View this post on Instagram
Myndin virðist hafa farið fyrir brjóstið á einhverjum. Í gær birti Þórunn Antonía fleiri myndir úr sömu myndatöku og sagðist hafa frétt að myndin hér að ofan hafi „aldeilis sjokkerað vinkonur vinkvenna minna.“
„Mér finnst það mjög fyndið, þannig hér eru fleiri,“ segir hún.
„Ég mun aldrei láta hneykslun annarra dempa minn húmor, mína gleði, minn kynþokka eða mína greind. Kona má vera sexy, kona má líka vera klár, ljóðskáld, djúp, fyndin, ömurleg að elda, samt góð mamma, blíð, töff, alklædd, allsber, mjó, feit, lítil, stór og bara alls konar. Swipe fyrir fleiri gjafir.“
View this post on Instagram
Það er óhætt að segja að færslan hafi slegið í gegn hjá fylgjendum Þórunnar. Yfir 1300 manns hafa líkað við hana þegar greinin er skrifuð, en Þórunn birti hana fyrir hálfum sólarhring síðan.
„Dýrka þig og you go girl,“ skrifar meðal annars söngkonan Svala Björgvins við myndina.
