Inter féll úr leik í Meistaradeild Evrópu í gær eftir markalaust jafntefli gegn Shaktar á heimavelli. Liðið endaði í neðsta sæti riðilsins.

Mikið áfall fyrir Antonio Conte þjálfara Inter og ljóst að talsverð pressa er á honum í starfi, Conte hefur fengið að versla inn mikið af leikmönnum og eru gerðar kröfur tli Inter á þessu tímabili.

Conte mætti í viðtal við sjónvarpsstöð á Ítalíu eftir leikinn þar sem hann ræddi við Fabio Capello var var sérfræðingur. „Það leit út eins og Inter spilaði til sigurs en án þess að hafa hungrið í það. Þú varst leikmaður og þjálfari og veist hvað ég á við,“ sagði Capello við Conte.

Þjálfarinn hafði ekki gaman af þessu. „Ég hef ekkert að segja,“ sagði Conte við Capello.

Capello spurði þá út í leikstíl Inter. „Eru þið ekki með plan B ef þetta klikkar?,“ sagði Capello.

Conte varð reiður við þessa spurninga. „Hugsaðu áður en þú spyrð, við erum með plan B. Ég ætla ekki að ræða það, þá vita andstæðingar okkar af því.

Professionalità, cortesia e soprattutto umiltà.#Conte #InterShakhtar pic.twitter.com/RTln3qId6I

— Enrico Battista (@EnricoBattist) December 10, 2020