Mohamed Salah stjarna Liverpool er á leið til Englands í einkaflugvél með COVID-19 veiruna, hann smitaðist í Egyptalandi áður en hann fór í landsliðsverkefni.
Salah skellti sér í brúðkaup hjá bróður sínum áður en hann fór í verkefni Egyptalands. Þar sást til Salah dansa grímulausan og veiran virtist hafa náð til hans.
Salah má ekki spila næstu leiki Liverpool vegna þess en hann lendir í London í dag og heldur heim til Bítlaborgarinnar. Jurgen Klopp stjóri Liverpool er ekki reiður út í kærulausan Salah.
„Salah kemur í dag, hann hefur ekki nein einkenni. Ég vil ekkert ræða hvaða hluti ég tala um við leikmennina,“ sagði Klopp við fréttamenn í dag.
„Ég var staddur í Þýskalandi í sumar og var á leið í afmæli hjá vini mínum en hætti við á síðustu stundu. Brúðkaupsveisla hjá bróður þínum er einstakt augnablik. Leikmenn Liverpool hafa verið agaðir en stundum gerast svona hlutir.“
Corona wasn’t happy with Salah’s dance moves.. asa fcn sie😂
pic.twitter.com/iI5VwsHS1H— 👁️ broken_heart 💔👻🇬🇭🇬🇭 (@broken_heart490) November 13, 2020
