Arnar Grétarsson þjálfari KA setti inn sína fyrstu færslu á Twitter í kvöld til að hafna fréttum sem Guðmundur Benediktsson sagði frá á Stöð2 Sport í gær.
Guðmundur sagði í þættinum að Arnar hefði ákveðið að hætta með KA eftir tímabilið. Samvkæmt sínum heimildum.
Arnar setti síðast inn færslu á Twitter yfir HM í Rússlandi árið 2018. „Langar að taka það skýrt fram að ekkert hefur verið ákveðið enn með framhaldið á mínum störfum hjá KA. Markmið að setjast niður á næstunni til að ræða framhaldið,“ skrifar Arnar.
Arnar þjálfaði Breiðablik áður hér á landi en hann var í starfi í Belgíu á síðasta ári. Hann náði góðum árangri með Breiðablik þegar hann tók við liðinu árið 2015 en var vikið úr starfi á sínu þriðja tímabili í Kópavoginum.
KA situr í tíunda sæti efstu deildar með 14 stig, átta stigum frá fallsætinu.
Langar að taka það skýrt fram að ekkert hefur verið ákveðið enn með framhaldið á mínum störfum hjá KA. Markmið að setjast niður á næstunni til að ræða framhaldið. @GummiBen
— Arnar Gretarsson (@ArnarGretars) September 14, 2020