Melissa Satta eiginkona Kevin-Prince Boateng sér eftir því að hafa rætt kynlíf þeirra opinberlega og hversu mikill hasar er í svefnherberginu hjá þeim. Ummæli konunnar vöktu mikla athygli en hún opnaði sig um málið fyrr á þessu ári.

Boateng og Melissa Satta sem er fyrirsæta og sjónvarpskona hafa lengi verið saman. Þau giftu sig árið 2016 og eiga eitt barn saman. Boateng hefur átt áhugaverðan feril og farið víða en hann lék meðal annars með Barcelona.

Melissa sem er fædd í Boston í Bandaríkjunum fór ekkert í felur með það sem gerist í svefnherberginu hjá þeim. Hún sagði frá því að þar sé oft mikið að gerast. ,,Ástæðan fyrir því að hann er oft meiddur er að við stundum mikið kynlíf, oftast svona 7-10 sinnum í viku,“ sagði Melissa og hélt svo áfram. Hún sagði frá því að árið 2012 hafi þau verið ansi dugleg að njóta ásta. ,,Ástæða þess að hann var alltaf meiddur það árið, voru meiðsli í nára,“ sagði Melissa og tengdi nárameiðsli eiginmannsins við mikið kynlíf.

Melissa fór í viðtal á dögunum og þar sagði hún frá því að það hefðu verið mistök að opna sig um þessa hluti. „Það getur enginn ímyndað sér þann storm sem þessi ummæli mín bjuggu til,“ sagði Melissa.

„Þú verður að passa þig hvað þú segir í fótboltanum, sérstaklega þegar rætt er um kynlíf. Það að við stundum kynlíf svo reglulega gerir mig ekki að kynlífsfíkli eins og fólk hefur haldið fram.“