Katy Perry og Orlando Bloom eignuðust stúlku í gær og fékk hún nafnið Daisy Dove Bloom.
Katy og Orlando deildu gleðifréttunum með UNICEF og sögðu að bæði móður og barni heilsast vel.
„Við vitum að við erum heppin og það fá ekki allir að upplifa jafn friðsama fæðingu og við fengum. Það er skortur á heilbrigðisstarfsfólki víða um heim og það deyr ólétt kona eða nýburi á ellefu sekúndna fresti, oftast vegna einhvers sem má koma í veg fyrir. Það eru fleiri nýburalíf í hættu nú en áður vegna COVID-19, samfélög hafa takmarkaðan aðgang að vatni, sápu, bóluefni og lyfjum sem koma í veg fyrir sjúkdóma,“ kemur fram í tilkynningu þeirra til UNICEF.
Daisy Dove er fyrsta barn þeirra en Orlando Bloom á níu ára dreng, Flynn, úr fyrra sambandi með fyrirsætunni Miröndu Kerr.
