Knattspyrna á Íslandi var stöðvuð þegar seinni bylgjan var að hefjast og hefur öllum leikjum verið frestað síðan um mánaðarmótin. Hafa margir velt því fyrir sér hvenær knattspyrnan fer aftur í gang og jafnvel hvort það gerist yfir höfuð.
Á fundinum sagði Þórólfur að til skoðunar væri að leyfa íþróttir með snertingu aftur, en knattspyrnan fellur undir það. Þá sagði Þórólfur að þetta komi allt fram í minnisblaði sem hann mun senda Svandísi Svavarsdóttur heilbrigðisráðherra á næstunni.
Víðir Reynisson var einnig spurður út í knattspyrnuna. Víðir sagði að verið sé að vinna hörðum höndum að því að koma upp skýrum og ströngum reglum fyrir knattspyrnuna sem KSÍ er tilbúið að setja.
