Arsenal 2-1 Liverpool
0-1 Sadio Mane(20′)
1-1 Alex Lacazette(32′)
2-1 Reiss Nelson(44′)
Arsenal lyfti sér upp í níunda sæti deildarinnar í kvöld er liðið mætti meisturum Liverpool á Emirates.
Liverpool gerði jafntefli við Burnley í síðasta leik og tapaði einnig nýlega 4-0 gegn Manchester City.
Liverpool tryggði sér deildarmeistaratitilinn fyrir nokkru síðan en stefndi á að bæta stigametið í deildinni.
Það mun hins vegar ekki gerast eftir 2-1 tap gegn Arsenal í London í kvöld.
Liverpool er með 93 stig eftir tapið í kvöld þegar tvær umferðir eru eftir og getur aðeins náð 99 stigum. Metið er í eigu Manchester City sem náði 100 stigum.
Liverpool komst yfir í kvöld með marki Sadio Mane en tvö varnarmistök kostuðu liðið sigurinn.
Alex Lacazette nýtti sér fyrst mistök Virgil van Dijk og jafnaði metin áður en Reiss Nelson skoraði sigurmarkið eftir mistök Alisson í markinu.
