Danskir vísindamenn hafa fengið heimild til að prófa lyfið UNI911 á fólki. Lyfið er notað við meðhöndlun COVID-19 sjúklinga og hefur reynst vera 40 sinnum áhrifaríkara en lyfið remdesivir sem hefur helst verið í fréttum síðustu daga vegna uppkaupa Bandaríkjanna á lyfinu.

TV2 hefur eftir Morten Sommer, prófessor hjá DTU Biosustain, að UNI911 geti drepið veiruna og komið í veg fyrir að hún skipti sér inni í líkamanum. Lyfið hafi áður verið notað gegn sjúkdómum í þörmum en nú hafi tekist að finna leið til að láta virka efnið í því virka annars staðar í líkamanum.

Í tilraunum í Suður-Kóreu hefur lyfið reynst 40 sinnum áhrifaríkara en remdesivir sem hefur verið talið besta lyfið gegn COVID-19 fram að þessu.

Lyfið verður nú prófað á 44 heilbrigðum sjálfboðaliðum til að sjá hvort einhverjar aukaverkanir hljótist af notkun þess.