Ný sundurliðun sýnir hversu dýrt ævintýri Kevins McCallister á Plaza Hotel í kvikmyndinni Home Alone 2 yrði árið 2025. Í grein New York Post segir að verðbólga hafi aukist svo ótrúlega mikið síðustu þrjá áratugi síðan myndin kom út að eftirminnilega eftirréttarveislan hjá Kevin sem kostaði 1.000 dali líti út eins og smáaurar miðað við verðmiðann í dag.

„Kevin, eyddirðu 967 dollurum í herbergisþjónustu?“ öskrar faðirinn  Peter McCallister í lokasenunni myndarinnar frá 1992, svo reiður að rödd hans ómar um Central Park.

Í dag myndi máltíðin ein og sér kosta meira en öll ferð Kevins til New York árið 1992. Heildarkostnaðurinn hækkar úr 2.109 dölum árið 1992 í 8.511 dali í dag, framreiknað miðað við verðbólgu og hækkandi kostnað við gistingu. Ótrúleg dvöl Kevins í New York myndi kosta yfir 300% meira nú en hún gerði snemma á tíunda áratugnum.

Stærsti kostnaðurinn væri fyrir sjálfa Plaza-svítuna, sem kostar að meðaltali 6.244 dali á nótt, þó að til séu svítur sem kosta allt að 33.000 dali,  herbergisþjónustan, sem felur meðal annars í sér 16 kúlur af ís, meira en tvöfaldast í 2.233 dali og ísinn nær 24 dölum. Hótelið glæsilega hefur fylgt hækkandi framfærslukostnaði, samkvæmt greiningu frá ferðatryggingasamanburðarþjónustunni iSelect.

Í kvikmyndinni þegar hótelið var í eigu Donald Trump hefði herbergið kostað að meðaltali 1.100 dali hver nótt. Einfaldur þriggja kúla ísbolli með maraschino-kirsuberjum, M&M’s og súkkulaðisósu úr eldhúsi hótelsins myndi kosta 24 dali í dag, samanborið við 18 dali hjá Kevin.

Hótelið býður í dag upp á „Home Alone Sundae“ sem heiður til myndarinnar, að upphæð 350 dalir.

Fjórföld heildaraukning ætti ekki að koma á óvart þar sem Bandaríkin glíma við verðbólgu og almennan fjárhagsvanda. Atvinnuleysið fór upp í 4,4% í september, nýjasta mánuðinum sem gögn eru tiltæk fyrir, það hæsta frá október 2021. Tekjur eru hins vegar að aukast lítillega og eru nálægt því sem var í efnahagslægðinni árið 2008.

Þetta er áhugaverð áminning um að það sem leit út fyrir að vera fáránlegur lúxus þá væri á færi fárra í dag.