Frá 1962 hafa 37 slík tilfelli verið staðfest í Flórída. Nýja smitið greindist í Hillsborough County en yfirvöld hafa ekki veitt nánari upplýsingar um málið. CNN skýrir frá þessu.
Naegleria fowleri er yfirleitt að finna í hlýju ferskvatni eins og í ám, vötnum og tjörnum. Yfirvöld hvetja fólk til að sýna aðgæslu og vera meðvitað um að amöbur af þessari tegund getur verið að finna í ferskvatni þegar það er hlýtt.
Amaban kemst inn í líkama fólks um nefið og er hægt að forðast hana með því að láta nefið ekki komast í snertingu við vatn eða nota nefklemmu.
143 smit af völdum Naegleria fowleri hafa verið staðfest í Bandaríkjunum í gegnum tíðina. Aðeins 4 lifðu smitið af.
