Karl-Heinz Rummenigge, stjórnarformaður Bayern Munchen, hefur staðfest það að Thiago vilji yfirgefa félagið.
Thiago er 29 ára gamall miðjumaður en hann hefur leikið með Bayern undanfarin sjö ár.
,,Hann vill fara,“ sagði Rummenigge og bætti við að leikmaðurinn þyrfti á nýrri áskorun að halda.
Liverpool er sterklega orðað við leikmanninn sem var áður í herbúðum stórliðs Barcelona.
Thiago lék 150 deildarleiki með Bayern á sjö árum og hefur einnig spilað 37 landsleiki fyrir Spán.
